Saturday, October 27, 2012

துணை: சார்லஸ் ப்யூகோவ்ஸ்கி (28)




நான் தனியாக இல்லை.
அவன் இங்கேயிருக்கிறான் இப்போது.
சிலநேரங்களில் போய்விட்டதாக
நினைத்துக்கொள்வேன்
அவனோ பறந்துவந்துவிடுவான்
காலையில் மதியத்தில்
அல்லது இரவில்.
யாருக்கும் வேண்டாத பறவை.
அவன் என்னுடையவன்,
என் வலியின் பறவை.
பாடமாட்டான்,
அந்தக்கிளையில்
ஆடிக்கொண்டிருக்கிற
அந்தப் பறவைதான்.

(””companion,” from The Last Night of the Earth Poems)


No comments: