Saturday, October 27, 2012

என் மாமன் ஜாக்: சார்லஸ் ப்யூகோவ்ஸ்கி (33)



என் மாமன் ஜாக்
ஒரு எலி  
தீயில் வீடு
துவங்கபடவிருக்கும் போர்
முதுகில் கத்தியோடு தெருவில் ஓடிக்கொண்டிருப்பவன்

என் மாமன் ஜாக்
அவன்தான் சாண்டா மோனிகா அலைமேடை
தூசுபிடித்த நீலத்தலையணை
சொறிந்துகொண்டிருக்கும் கருப்புவெள்ளை நாய்
ஒரு சிகரெட்டை ஒரு கையில் வைத்திருக்கும் ஒற்றைக்கையன்

என் மாமன் ஜாக்
எரிந்த ரொட்டியின் ஒரு துண்டு
சாவியை நீ தேட மறந்த இடம்
அலமாரியில் 3 ரோல்கள் டாய்லட் காகிதங்களைக் கண்ட பரவசம்
நினைவுகூர முடியாமல் இதுவரை நீ கண்டதிலேயே ஆகமோசமான கனா

என் மாமன் ஜாக்
உன் கையில் வெடித்த பட்டாசு
உன் கார் நிறுத்துமிடத்துக்கு வெளியே 10:30 காலை அடிபட்டுக்கிடக்கும் உன் பூனை
சாண்டா அனிடா கார் நிறுத்துமிடத்தில் நீ வென்ற குப்பை ஆட்டம்
கேவலமான ஓட்டலறையில் உன் காதலி உன்னை விட்டு ஓடிப்போனாளே அவனுக்காக அந்த அவன்

என் மாமன் ஜாக்
உன் மாமன் ஜாக்
கூட்ஸ் வண்டிபோல வரும் சாவு
அழுங்கண்களோடான கோமாளி
உன் கார் ஜாக், மற்றும் உன் விரல்நகங்கள், அப்புறம் ஆகப்பெரிய மலையின்
இப்போதைய அலறல்.

(“my uncle jack,”  from The Last Night of the Earth Poems)

No comments: