Monday, November 5, 2012

வசந்தம் ஒருவேளை கைபோலும் (இ. இ. கமிங்ஸ்)



வசந்தம் ஒருவேளை கைபோலும்
(இல்லாத இடத்திலிருந்து வருவது 
அது கவனத்தோடு) சன்னலொன்றை அமைத்தபடி
அதற்குள் பார்க்கிற மக்கள்
(உற்றுநோக்கியபடி கவனமாய்
அங்கேயொரு வினோதப்பொருளை இங்கேயொரு தெரிந்தபொருளை
வைத்து மாற்றி ஒழுங்குபடுத்திக்கொண்டு) மேலும்

கவனத்தோடு எல்லாவற்றையும் மாற்றியபடி.

வசந்தம் ஒருவேளை
சன்னலொன்றில் கைபோலும்
(கவனத்தோடு அங்கிருந்தும்
இங்கிருந்தும் புதிய பழைய பொருட்களை
நகர்த்தியபடி, கவனத்தோடு
ஒருவேளை ஒரு பூவின்
பின்னத்தை இங்கே நகர்த்தியபடி
ஒரு இஞ்ச் காற்றை அங்கே வைத்தபடி
மக்கள் உற்றுநோக்கியிருக்க) மேலும்

எதையும் உடைக்காதபடி.

(”Spring is like a perhaps hand” by E.E.Cummings)         

No comments: