அழுக்கு சாக்ஸ்

அதன் ஜோடியைக் காணோம்

டிரையர் தின்றிருக்கும்

இயந்திரத்தின் பசிக்கு வரலாறுண்டு

இல்லாவிட்டால்

காக்கா தூக்கிக்கிட்டுப் போயிருக்கும்

என்ற சொலவடையில்

தன்னிருப்பை உறுதிசெய்ய

காகம் தூக்கிக்கொண்டு போயிருக்கும்

ஒருவேளை சாக்ஸ் அணிந்த காகத்தைப் பார்த்தால்

எனக்குத் தெரிவியுங்கள்

சாக்ஸின் விவரம் சாக்ஸ்

காகத்தின் விவரம் ஒருவருக்குக் கருப்பாக

இன்னொருவருக்கு மஞ்சளாகத் தெரியும்

கண்ணைப் பொறுத்தது

ஒருவரும் இன்னொருவரும் பார்த்தால்

என் சாக்ஸைத் திருப்பிக்கொடுத்துவிட்டு

வைத்துக்கொள்ளுங்கள்

நிறம்பற்றிய உங்கள் சண்டையை.

 (பதிவில் வெளிவரும் கவிதைகளையோ கருத்துகளையோ பத்திரிகைகளில் என் அனுமதியின்றி பிரசுரிக்க வேண்டாம். நன்றி.)